मेलम्ची ठेक्का रद्द : नयाँ ठेक्का गर्दा तीन वर्ष पर धकेलिने

A+ A A-

आजको अन्नपूर्ण पोस्टले मेलम्चको ठेक्का रद्ध गरिएकोबारे प्रमुख समाचार प्रकाशित गरेको छ । काम गरिरहेको ठेकेदारलाई भुक्तानी रोकेर भगाउँदै आएको खानेपानी मन्त्रालयले मेलम्ची ठेक्का रद्द गरेको छ। मन्त्रालयको यो निर्णयबाट ९७ प्रतिशत काम पूरा भएको मेलम्ची योजना कम्तीमा तीन वर्ष पर धकेलिने समाचारमा उल्लेख छ।

खानेपानी सचिव गजेन्द्र ठाकुरको अध्यक्षतामा बिहीबार बसेको मेलम्ची खानेपानी विकास समिति बैठकले ठेक्का रद्द गर्ने निर्णय गरेको हो। खानेपानी मन्त्री बिना मगरले मेलम्ची ठेकेदार सीमएसीसित ‘वार्ता गर्न’ उपकार्यकारी निर्देशक भोजविक्रम थापा र मन्त्रीका स्वकीय सचिव विजय भट्टराईसहित चारजनाको टोलीलाई थाइल्यान्ड पठाएकी थिइन्।

थाइल्यान्डमा वार्ता गर्ने भनेर पठाए पनि उनीहरूले सिंगापुरमा गएर वार्ता गरेका थिए। यता मन्त्रालयले सिंगापुरमा वार्ता जारी रहेका बेला ठेक्का रद्द गरेको हो।

बैठकपछि समितिले जारी गरेको विज्ञप्तिमा ‘ठेक्का तोडिएको परिस्थितिमा आयोजनाको बाँकी काम सम्पन्न गर्न समितिले नेपाल सरकारसमक्ष विकल्पसहितको प्रस्ताव तयार गर्ने र नेपाल सरकारले गर्ने निर्णय दृढतापूर्वक कार्यान्वयन गरी हालको परिस्थतिले सिर्जित ढिलाइसमेत परिपूर्ति गर्नेतर्पm अघि बढ्ने बेहोरा आम समुदायमा जानकारी गराउँछौं’ उल्लेख छ।

त्यस्तैगरी, संघ छाड्नै चाहेनन् कर्मचारीले शीर्षकमा अन्नपूर्णले प्रथम पृष्ठमा समाचार प्रकाशित गरेको छ । यस्तै जब ड्राइभर बिनै गाडी गुड्यो शीर्षकमा छापिएको समाचार सिन्धुलीबाट पठाइएको हो । समाचारमा रोकेर राखिएको गाडी गुड्दा पाँचको मृत्यु भएको र ९ जना घाइते भएको उल्लेख छ ।