खानेपानी माग्दै नगरवासीले घेरेपछि पूर्वमेयर र उपमेयरलाई हर्क साम्पाङले साेधे नाैबुँदे स्पष्टीकरण (पत्रसहित)

खानेपानी माग्दै नगरवासीले घेरेपछि पूर्वमेयर र उपमेयरलाई हर्क साम्पाङले साेधे नाैबुँदे स्पष्टीकरण (पत्रसहित)

A+ A A-

धरान उपमहानगरपालिकामा खानेपानी समस्या चर्किएर स्थानीय विरोधमा उत्रिएका बेला मेयर हर्क साम्पाङले खानेपानीकै परियोजनाबारे पूर्वमेयर र उपमेयरलाई स्पष्टीकरण सोधेका छन् । मेयर साम्पाङले पूर्वमेयर तिलक राई र उपमेयर मञ्जु भण्डारीलाई नौबुँदे स्पष्टीकरण सोधका हुन् ।

धरानको खानेपानी समस्या समाधानका लागि एसियाली विकास बैंक (एडीबी) को ऋण/अनुदान सहयाेगमा सञ्चालित परियोजनाको विषयमा स्पष्टीकरण सोधेका हुन् । मेयर साम्पाङले २७ वैशाखमा एडीबीको सहयोगमा सञ्चालन भएको खानेपानी आयोजनाको विषयमा प्रस्ट पार्न भनेर पत्र काटेका हुन् ।

उनले नगरको खानेपानी समस्यालाई समाधान गर्नका लागि सम्झौता गरेबमोजिम खानेपानीको दीर्घकालीन समस्याको समाधान नै नभई पूर्ण रूपमा सफल नभएको आयोजना सफल भएको भनी राई र भण्डारीले खानेपानी संस्थानलाई खानेपानी व्यवस्थापन बोर्डमा मर्ज गरेको विषयमा स्पष्ट पार्न सात दिनको समय दिएका छन् ।

उनले लिखित रूपमा स्पष्टीकरणकाे जवाफ सात दिनभित्र दिन भनेका छन् । उनले पत्रमा लेखेका छन्, ‘नगरवासीहरूलाई उक्त आयोजनाबाट पानी उत्पादन गरी वितरण गर्न नसकेको र आयोजना सञ्चालन हुँदा चरम लापर्वाही तथा भ्रष्टाचार भएको भनीसमेत जनगुनासो आएको सन्दर्भमा उक्त आयोजनासम्बन्धी तपसिल बमोजिम के कसो भएको हो, सो विषयमा सात दिनभित्रमा लिखित रूपमा स्पष्ट पारिदिन हुन अनुरोध छ ।’

के छ पत्रमा ?

मेयर साम्पाङले सोधेका नाैवटा प्रश्नमा भने एडीबीको ऋण तथा अनुदानको अवस्थादेखि कहिले लिएको र कहिले सम्पन्न भएकोसम्मका प्रश्न राखेका छन् । पत्रमा एडीबीको ऋण लिने निर्णय कुन मितिमा को कसले गरेको हो ? एडीबीबाट ऋण किन र कति ल्याएको हो ? र ल्याएको ऋण कति खानेपानी र अन्य कुनै शीर्षक भए ती शीर्षकहरूमा खर्च गरिएको हो ? भनेर प्रश्न गरेका छन् ।

त्यसैगरी, एडीबीको प्रोजेक्ट चालु कहिलेदेखि भएको हो ? तत्कालीन बोर्ड गठन हुँदा के कस्ता प्रावधानलाई पूरा गरी गठन भएको थियो र सदस्यहरू थपिँदा के कसरी थपिएका थिए ? आईयूडीपी खानेपानी आयोजनाले सम्झौताअनुसार दैनिक १ करोड ५२ लाख २० हजार लिटर पानी उत्पादन गर्ने सर्तअनुसार उत्पादन गर्न नसकेको तथ्यलाई लुकाएर आयोजनालाई जिम्मा लिनुपर्ने कारण के थियो ? आयोजना जिम्मा लिनुअघि निर्माण कम्पनीको तिर्नुपर्ने ऋण किन चुक्ता नगरेको ? त्यसैगरी, आयोजना निर्माणको अवधिमा गुणस्तरसम्बन्धी के कस्ता र कति मापदण्ड पूरा गरिएका थिए ? पाइप विस्तार कार्य गराउँदा मूल निर्माण समितिले नै गरेको थियो या अन्यले गरेको थियो ? अन्य पेटी ठेकेदारहरूले गरेका थिए भने कुन–कुन ठेकेदारले के कति कारणले गरेका थिए ? यी सबै प्रश्नको जवाफ सात दिनभित्र लिखित रूपमा दिन मेयर साम्पाङले भनेका छन् ।

यस्ताे छ पत्र :

प्रकाशित मिति: बिहीबार, वैशाख २७, २०८१ १९:३७

शिलापत्र संवाददाता

प्रतिक्रिया दिनुहोस्

भर्खरै

नेप्से परिसूचकमा वृद्धि, कारोबार रकम उच्च

नेताहरूको कुर्सी मोहका कारण मुलुक कमजोर अवस्थामा पुग्योः विप्लव

मोहम्मद मोखबर तोकिए इरानका कार्यवाहक राष्ट्रपति, साउदीले पठायो समवेदना सन्देश

कांग्रेसले बोलायो केन्द्रीय समिति र संसदीय दलको संयुक्त बैठक

अहिलेको संसदले संक्रमणकालीन न्यायसम्बन्धी विधेयक पारित गर्दैनः पूर्वसभामुख ढुंगाना

लोकप्रिय

छानबिन समिति बने गृहमन्त्रीबाट राजीनामा दिने तयारीमा रवि लामिछाने

'ओलीकाे दल फुटाउने षड्यन्त्रमा प्रचण्डकाे पनि संलग्नता देखियाे, विश्वासकाे मत लिने कुरामा सफा नियत छैन'

को हो गौशाला २६ ?

एमाले र माओवादीसँग कसरी बिग्रियो उपेन्द्रको सम्बन्ध ?

सन्दीपको मुद्दामा फैसला सुनाउनुअघि न्यायाधीशले सीसीटीभी फुटेज हेर्ने

विचार

पत्रकारिता र विचारको लडाइँ

विद्यार्थी आन्दोलनमाथि उठिरहेको प्रश्न

दिगो विकासको आधारः शिक्षा व्यवस्था र विश्वदृष्टिकोण

ब्लग

सम्पादक शिव डोटेललाई पत्र- साँच्चै ती दिन क्या दामी थिए है

रहस्यैरहस्यको चाङ नरवीर नेम्वाङ

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

शिक्षा

बेनी नगरपालिकाले सुरु गर्‍यो ‘हामी सक्छौँ, हामी गर्छौं’ कार्यक्रम

विद्यार्थीविहीन विद्यालयमा चार शिक्षक

दिगो विकासको आधारः शिक्षा व्यवस्था र विश्वदृष्टिकोण