अस्तव्यस्त इमर्जेन्सी कक्ष

A+ A A-

आजको नागरिक दैनिकले अस्पतालहरुको इमर्जेन्सी कक्षको अवस्थाका बारेमा प्रमुख समाचार प्रकाशित गरेको छ । सरकारी तथा सार्वजनिक अस्पतालमा बिरामीको अत्यधिक चाप बढ्दा सहज सेवा प्रवाहमा बाधा पुगेको छ। आकस्मिक उपचार कक्ष इमर्जेन्सी मा त बिरामीको चाप झन् थेगिनसक्नु देखिन्छ।

काठमाडौं उपत्यकाका सरकारी अस्पतालका आकस्मिक कक्षमा धान्नै नसक्ने गरी बिरामीको चाप बढ्दा व्यवस्थापन र उपचारमा समस्या भएको छ। बिरामीको चाप बढ्दा आकस्मिक कक्षमा शैय्यासमेत उपलब्ध गराउन अस्पतालहरूलाई मुस्किल परेको समाचारमा छ ।

त्यस्तै नागरिक दैनिकले कमलपोखरीमा छायाँ कम्प्लेक्स निर्माणका बारेमा अदालतले अब के गर्ला शीर्षकमा दोस्रो प्रमुख समाचार प्रकाशित गरेको छ । हुँच र प्रभावका भरमा ऐतिहासिक र सांस्कृतिक महत्वको ठमेल थँबहिलस्थित कमलपोखरीको जग्गामा निर्माण गरिएको १५ तले छाया कम्प्लेक्समा सर्वोच्च अदालतको फैसलाबमोजिम ऐतिहासिक कमलपोखरी वा पाँच अर्ब लागतमा बनेको भनिएको कम्प्लेक्समध्ये कसको पक्षमा हुने हो रु प्रधानन्यायाधीश भएपछि चोलेन्द्रशमशेर राणाले महत्वपूर्ण फैसला गरेको सन्दर्भमा पेसी चढेर प्रतीक्षामा रहेको कमलपोखरी जग्गाबारे मुद्दाले कुन मोड लिई कस्तो नतिजा पाउने हो भन्ने सर्वत्र चासो बढेको समाचारमा छ ।

यस्तै कर्णाली प्रदेश सरकारले एक वर्षमा धेरै निर्णय गरेपनि कार्यान्वयन अवस्था भने दयनीय रहेको समाचार नागरिकले प्रकाशित गरेको छ ।
नागरिक दैनिकले चुरे दोहनबारे सम्पादकीय लेखेको छ भने गुणराज लुइँटेलको सुन्ने कि शून्य शीर्षकको लेख प्रकाशित गरेको छ । अनियमिता गरेको थाहा पाइहालेमा राजीनामा गर्ने नत्र कसैले थाहा नपाएसम्म निरन्तर कमाइरहने प्रवृत्ति देखिएको लेखमा उल्लेख छ ।

प्रकाशित मिति: आइतबार, फागुन ५, २०७५ १७:४९