विवेकशील साझाका उज्ज्वलकृष्णलाई प्रश्न- ललितपुरको मेयर जित्नुभयो भने सबैभन्दा पहिला के गर्नुहुन्छ ? (भिडियाे)

विवेकशील साझाका उज्ज्वलकृष्णलाई प्रश्न- ललितपुरको मेयर जित्नुभयो भने सबैभन्दा पहिला के गर्नुहुन्छ ? (भिडियाे)

A+ A A-

०७४ सालकाे चुनावमा ललितपुर निर्वाचन क्षेत्र नम्बर ३ बाट चुनाव लडेका उज्ज्वलकृष्ण श्रेष्ठ यसपालि ललितपुर महानगरपालिकाकाे मेयरमा उठेका छन् । व्यावसायिक पृष्ठभूमिका श्रेष्ठले आइतबार बेलैमा जावलाखेलस्थित निर्वाचन अधिकृतको कार्यालयमा गएर विवेकशील साझा पार्टीका तर्फबाट उम्मेदवारी मनोनय दर्ता गराएका थिए । संघीय चुनावमा ७ हजार ६ सय २८ मत ल्याएर तेस्राे बनेका श्रेष्ठ महानगरकाे चुनावमा २६००० मत कटाउने दाबी गर्छन् । श्रेष्ठसँग गरिएकाे कुराकानीः

कतिपय उम्मेदवारले चुनाव जितेँ भने तलबभत्ता नलिने घोषणा गरिरहेका छन्, तपाईं त्यस्तै केही घोषणा गर्नुहुन्छ कि !

यसो भन्नु भनेको नाटक मात्र हो । तलबभत्ता नलिएर सुशासन कायम हुने होइन । कमिसन लिन्नँ भन्नुपर्‍याे । घुस लिन्नँ भन्नुपर्‍याे । मिहिनेत गरेर पाएको तलब किन नलिने ? बरू तलबभत्ताअनुसार काम गर्नुपर्‍याे । बेकार तलबभत्ता पचाएर बसेजस्तो महसुस जनतालाई गराउनुभएन । म त तलबभत्ता लिन्छु । घुस, कमिसन लिन्नँ ।

ललितपुरका जनताले तपाईंलाई किन जिताउने ?

महानगरको मेयर बनेर जनताका पक्षमा आफूलाई प्रमाणित गर्न अघि बढेको छु । म आफैँ तम्सेको होइन, मलाई महानगरवासीले अघि बढ्न हौसला दिनुभएको हो । मैले ललितपुरवासीका मागमुद्दा राम्रोसँग बुझेको छु । उहाँहरूको असन्तुष्टि महसुस गरेको छु । महानगरले कस्तो नेतृत्व खोजिरहेको छ, थाहा पाएको छु । बाटो पिच गरेर, पुल बनाएर मात्र जनतालाई खुसी पार्न सकिँदैन भन्ने कुरा मैले जानेको छु । म जनताकै मागअनुसार अगाडि आएको युवा हुँ ।

युवाको नारा दिएर मात्रै चुनाव जितिन्छ ?

मैले भनेँ नि, जनतालाई खुसी बनाउन ठूलठूला सपना बाँड्न जरुरी छैन । उनीहरूको दिनदैनिकी सहज होस् । सन्तानले राम्रो र सुलभ शिक्षा पाऊन् । स्वास्थ्य सुविधामा बठिनाइ नहोस् । सरकारी अड्डाबाट चुस्त सेवा पाइयोस् । यति हुँदा जनता खुसी हुन्छन् । र, जनताको खुसी आर्थिक समृद्धिको महत्त्वपूर्ण पक्ष हो । यो सबै कामकाे नेतृत्व युवाले लिनुपर्छ भन्ने लाग्छ । अनुभवीहरूले युवा नेतृत्वलाई सल्लाह दिन सक्छन् ।

ललितपुरको मेयर जित्नुभयो भने सबैभन्दा पहिला के गर्नुहुन्छ ?

म फगत बाचा गर्ने मान्छे होइन । जनतालाई ठूलठूला सपना देखाएर निराश पार्दिनँ । म विजयी भएँ भने महानगरवासीलाई कसरी खुसी राखिराख्न सकिन्छ, पहिले त्यतातिर ध्यान दिन्छु । महानगरका सबै जनप्रतिनिधि र कर्मचारी साथीहरूसहितको एउटा ठूलो बैठक राख्छु । त्यो बैठकमा मेरो एउटै एजेण्डा हुने छ- जनतालाई हामीले दिने सेवा, जुन चुस्त हुनुपर्छ । त्यसका लागि कहाँ, के सुधार गर्नुपर्छ, त्यो थालिहाल्छु । सरकारी सेवा लिन जाँदा जनताले बेहोर्नुपर्ने झन्झटलाई पहिला समाधान गर्छु । त्यसपछि बाँकी काम गर्छु । आर्थिक समृद्धि भनेको भौतिक पूर्वाधारको विकास मात्र होइन । जनताको खुसी पनि हो । म अहिल्यै प्रस्ट भन्छु, जनतालाई अनावश्यक दुःख दिने सरकारी कार्यालयमाथि म हस्तक्षेप गर्नेछु । ती कार्यालयबाट हुने सेवा प्रवाहलाई चुस्त पार्न मेयरबाट हुन सक्ने जस्ताेसुकै कदम चाल्नुपरेपछि हट्दिनँ ।

उज्ज्वलकृष्ण श्रेष्ठकाे पूरा अन्तर्वार्ता भिडियाेमाः

प्रकाशित मिति: बुधबार, वैशाख १४, २०७९ १३:०५

नवराज कुँवर

प्रतिक्रिया दिनुहोस्

भर्खरै

चोरीमा संलग्न रहेको अभियोगमा छ जना पक्राउ

राप्ती नदीबाट घडियालका दुई सय ४७ अण्डा सङ्कलन

मादी नदीमा बालकको शव भेटियो

सहकारी प्रकरणको संसदीय समितिको टीओआर बनाउन कार्यदल गठन

‘कालोकालो कपालमा खैरो...’ मा प्रियंका र गम्भिरको रोमान्स

लोकप्रिय

छानबिन समिति बने गृहमन्त्रीबाट राजीनामा दिने तयारीमा रवि लामिछाने

एउटै रेडियोमा काम गर्थे रवि र गगन, २५ वर्षपछि सम्बन्धमा कसरी बढ्यो खटपट ?

'ओलीकाे दल फुटाउने षड्यन्त्रमा प्रचण्डकाे पनि संलग्नता देखियाे, विश्वासकाे मत लिने कुरामा सफा नियत छैन'

एमाले र माओवादीसँग कसरी बिग्रियो उपेन्द्रको सम्बन्ध ?

बर्खास्तीमा परेको साढे सात वर्षपछि सार्वजनिक कार्यक्रममा देखिए पूर्वअख्तियार प्रमुख कार्की

विचार

विद्यार्थी आन्दोलनमाथि उठिरहेको प्रश्न

दिगो विकासको आधारः शिक्षा व्यवस्था र विश्वदृष्टिकोण

नगरवधू आम्रपाली कसरी भिक्षु भइन् ?

ब्लग

सम्पादक शिव डोटेललाई पत्र- साँच्चै ती दिन क्या दामी थिए है

रहस्यैरहस्यको चाङ नरवीर नेम्वाङ

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

शिक्षा

दिगो विकासको आधारः शिक्षा व्यवस्था र विश्वदृष्टिकोण

अराजकताकाे केन्द्र बनिरहेका विद्यार्थी संगठन : आवरणमा शैक्षिक मुद्दा, व्यवहारमा चन्दा र आफन्तलाई जागिर जाेहाे

रोटरी अफ क्लब कान्तिपुर स्थापनाको अवसरमा दुई शिक्षक सम्मानित