पीडितलाई निराश नपार्न अन्तर्राष्ट्रिय समुदायको आग्रह

A+ A A-

मानव अधिकारसम्बन्धी अन्तर्राष्ट्रिय संगठनहरुले संक्रमणकालीन न्यायको त्रुटिपूर्ण प्रकृया सच्चाउन आग्रह गरेको समाचार आजको कान्तिपुर दैनिकले पहिलो पृष्ठको मुख्य समाचार बनाएको छ । एमनेष्टी इन्टरन्यासनल, अन्तर्राष्ट्रिय न्यायालय (आईसीजे) र ट्रायल इन्टरनेसनलले सोमबार विज्ञप्ति जारी गरी संक्रमणकालीन न्यायलाई पहिलेजसरी त्रुटिपूर्ण ढंगले अघि नबढाउन आग्रह गरको समाचारमा उल्लेख छ ।

संक्रमणकालीन न्यायिक प्रकृया टुंगोमा पुर्याउन गठित दुई आयोगको चौथो कार्यकाल सकिएपछि पनि पीडितले न्याय नपाएको भन्दै उनीहरुले अन्तार्राष्ट्रिय कानुन तथा सर्वोच्च अदालतको आदेशअनुसार अघि बढ्न सरकारलाई आग्रह गरेको धनश्याम खड्काले कान्तिपुरमा लेखेको समाचारमा उल्लेख छ ।

‘जनयुद्ध’को सम्झना धुम्बाराहीमा शीर्षमा कान्तिपुरले अर्को समाचार छापेको छ । तत्कालिन माओवादीले थालेको सशस्त्र युद्धकाृ कट्टर आलोचक थियो –एमाले । त्यसभित्र पनि केपी ओली माओवादीको हिंसात्मक युद्धको उछितो काट्थे । भन्ने गर्थे– मान्छे मार्ने पनि जनयुद्ध हुन्छ ? समय बदलियो भन्दै कान्तिपुरले पार्टी एकतापछि तत्कालिन एमालेको पार्टी कार्यालय धुम्बाराहीमा जनयुद्ध सम्झनामा कार्यक्रम हुन लागेको प्रशंग उल्लेख गरेको छ ।

कान्तिपुरले सुन काण्डमा थप दुई न्यायाधीश तानिए शीर्षकमा अर्को समाचार पहिलो पृष्ठमा छापेको छ । समाचारमा सुन तस्करी र सनम शाक्य हत्या मुद्दाको थुनछेक आदेशलाई लिएर उच्च अदालत विराटनगरका थप दुई न्यायाधीश छानविनमा तानिकएको समाचारमा उल्लेख छ ।

कान्तिपुरले ‘हिद बुद्ध जाते’ शीर्षमा सम्पादकीय लेखेको छ । सम्पादकीयमा लुम्बिनीको अशोक स्तम्भको उचित संरक्षण हुन नसकेको प्रशंगमा टिप्पणी गरिएको छ । ‘सुदखोर समाजवाद’ शीर्षका राम गुरुङको लेख कान्तिपुरमा छ । सत्ता आफु र आफन्त पोस्ने, निर्भर हुँदा समृद्धि सुदखोर दास हुन प्रशंग लेखमा छ । भ्रष्टाचारको जग निर्वाच शीर्षकमा वीरेन्द्र मिश्रको लेख पनि कान्तिपुरमा छापिएको छ । त्यसैगरी गुणकारी गुलाब शीर्षकमा गुलफ पेट स्वस्थ्य राख्न उपयोगी हुने भन्दै भेलेन्टाइन डेमा उपहार दिइने गुलफको फुल खान सकिने प्रशंग सहित डा. अरुणा उप्रेतिको लेख पनि आजको कान्तिपुरमा छ ।