एनसेलका पुराना बिक्री ब्युँतिँदै

A+ A A-

एनसेलको पुरानो खरिद बिक्रीमा समेत कर छलीको आशंका गर्दै संसद अर्थ समितिले सुरुदेखिको सम्पूर्ण विवरण मगाएको छ । पछिल्लो पल्ट बिक्रीमा भएको कर छली विषयलाई सर्वोच्च आदालतले किनारा लगाईसके पनि पुराना प्रकरण पनि ब्युँतिने भएको समाचार आजको कान्तिपुर दैनिकले छापेको छ । एनसेल यसअघि १२ पल्ट खरिद बिक्री भएको समाचाारमा उल्लेख छ । बैठले स्थापना भएदेखि अहिलेसम्मकै शेयर हस्तान्तर ७ दिन भित्र बुझाउन संरोकारवाला मन्त्रालयलाई निर्देशन दिएको छ । दुर सञ्चार कम्पनीका बक्यौता एक महिनाभित्र असुल्न र नअससुलेसम्म सेवासुविधा विस्तार रोक्न संसदीय समितिले निर्देशन दिएको खबर आजको कान्तिपुर दैनिकको पहिलो खबर छ ।

द्वन्द्वका मुद्दा टुंग्याउन दहालको दबाब शीर्षमा कान्तिपुरले अर्को मुख्य समाचार छापेको छ । द्वन्द्वकालीन मुद्दाले अप्ठेरो पार्ने जोखिम देखेपछि नेकपा अध्यक्ष पुष्पकमल दाहालाले यो विषय छिटो टुंग्याउन प्रधानमन्त्री केपी शर्मा ओलीलाई दवाब दिएका छन् । सत्यनिरुपण र मेलमिलापको कामका अपेक्षित प्रगति नभएको र यो विषयमा अन्तर्राष्ट्रिय समुदायलले बोल्न थालेको उल्लेख गर्दै दाहालले प्रधानमन्त्रीलाई आन्तरिक रुपमै टुंग्याउन आग्रह गरेको समाचारमा उल्लेख छ । सरकार र सदननै बलियो भएको बेला यो विषय त्यहींबाट समाधान गर्न सकिने धारणा दाहालको रहेको कान्तिपुरको समाचारमा छ ।

कान्तिपुरले आफ्नै निर्वाचन क्षेत्र आफ्नाे विकास सुत्र शीर्षमा सम्पादकीय लेखेको छ । सम्पादकीयमा पत्रिकाले राष्ट्रिय नेताहरुको आफ्नाे निर्वाचन क्षेत्रमुखी चरित्र फेरिन नसकको कुरा उठाएको छ । आफुखुसी राष्ट्रिय बजेटको दोहन भएकोमा कान्तिपुरको सम्पादकीयमा प्रश्न उठाईएको छ ।

कान्तिपुरमा आज शुन्यवादी सत्ता शीर्षमा अच्युत वाग्लेको मुख्य लेख छ भने, बेटी अभियान कसलाई ? शीर्षकमा रीता साहको लेख छ । वर्ग चेतनाको दिग्भ्रम शीर्षमा सीएन थारु र आरके तामाङको संयुक्त लेख पनि कान्तिपुरमा छ ।

प्रकाशित मिति: सोमबार, माघ २८, २०७५ १६:३२