व्यापार सहजीकरणमा सरकार उदासिन

A+ A A-

भारत तथा तेस्रो मुलुकसँगको व्यापार सहजीकरणमा सरकार उदासिन हुँदा देशको मुख्य प्रवेशद्धार वीरगन्जका औद्योगिक र आर्थिक नगरीका उद्योगी व्यवसायीहरु निराश बनेका छन् । नेपालमा आयातमा भइरहेको बृद्धि बैंकहरुको उच्च ब्याजदर, सकारी कार्यालयहरुको उद्योग व्यवसायमैत्री वातावरण नहुँदा उद्योगी व्यवसायीहरु निराश बनेका हुन् । यो समाचार आजको कारोबार दैनिकमा छापिएको छ ।

त्यस्तै सरकारले वैदेशिक रोजगारीबाट फर्केका युवाहरुलाई उद्यमशील बनाउन हाल सञ्चालनमा रहेका २ करोड ५० लाख रुपैयाँका आधा दर्जन भन्दा बढी सहुलियतपूर्ण ऋण कार्यक्रमलाई प्रभावकारी रुपमा सञ्चालन गर्ने भएको छ ।

विदेशमा काम गरेर कमाएको पैसा अनउत्पाक क्षेत्रमा बढी खर्च गर्ने प्रवृत्ति बढ्न थाले पनि सरकारले नेपालमा हाल व्यवस्था रहेका सहुलियत ऋण कार्यक्रमलाई प्रभावकारी रुपमा सञ्चालन गर्ने योजना बनाएको समाचार पनि कारोबारमा छापिएको छ ।

त्यस्तै आज कारोबारले बचत तथा ऋण कारोबार गर्ने सहकारी संघसंस्थाको अनुगमनका लागि छुट्टै नियमन निकाय गठन गर्न विभिन्न समितिका सुझाव कार्यान्वयनमा सरकारले बेवास्ता गरेको पाइएको छ ।

सहरकारी समस्याका बारेमा अध्ययन गर्न गठित आधा दर्जन समितिले छुट्टै नियामक गठन गर्नका लागि सुझाव दिएपनि यसबारे सरकारले ध्यान नदिएको समाचार पनि आज कारोबारले पहिलो पृष्ठमा छापेको छ ।

त्यस्तै कारोबारले सरकारले विदेशी लगानीमा निर्माण हुने ठूला आयोजनाहरुको लागि १० वर्षसम्मको लागि विदेशी मुद्राको जोखिम अन्त्य गर्न हेजिङको व्यवस्था गरेको छ ।

डलरमा आउने उतार चढावको कारण ठूला आयोजनाहरुमा विदेशी लगानी भित्र्याउन असहज वातावरण भइरहेको बेला गत मंगलबारको मन्त्रिपरिषद्ले हेजिङ नियमावली २०७५ पारित गरेसंगै यस्तो व्यवस्था भएको समाचार पनि छापेको छ ।

प्रकाशित मिति: आइतबार, माघ २७, २०७५ १९:२१