भृकुटीमण्डपको जग्गा भाडामा अनियमितता: पूर्वमन्त्रीद्वयलाई भ्रष्टाचार मुद्दा

भृकुटीमण्डपको जग्गा भाडामा अनियमितता: पूर्वमन्त्रीद्वयलाई भ्रष्टाचार मुद्दा

A+ A A-

समाज कल्याण परिषदको स्वामित्वमा रहेको भृकुटीमण्डपको जग्गा भाडामा दिँदा अनियमितता गरेको बारे समाचार आजको कान्तिपुर दैनिकले प्रमुख समाचार बनाएको छ । अनियमिताको आरोपमा अख्तियार दुरुपयोग अनुसन्धान आयोगले १४ जनाविरुद्ध भ्रष्टाचार मुद्दा दायर गरेको छ ।

अख्तियारले सोमबार पूर्वमन्त्रीद्वय टेकबहादुर गुरुङ र बद्री न्यौपानेलगायत विरुद्ध विशेष अदालतमा मुद्दा दायर गरेको हो । अख्तियारले तत्कालीन मन्त्री एवं समाज कल्याण परिषदका अध्यक्ष न्यौपाने, उपाध्यक्ष प्रमोद मेहता, कोषाध्यक्ष कुञ्जविहारीप्रसाद चौधरी, सदस्य मोहनराज शर्मा, मदनकुमार लाल कर्ण, हरि न्यौपाने र सदस्य सचिव रवीन्द्रकुमार यादव तथा भृकुटीमण्डप फनपार्क मेलाका प्रमुख सञ्चालक रवीन्द्र गुरुङ र सञ्चालक टेकबहादुर गुरुङविरुद्ध मुद्दा दायर गरेको समाचारमा उल्लेख छ ।

उनीहरू सबैमाथि ३१ करोड ५२ लाख रुपैयाँका दरले बिगो मागदाबी छ । न्यौपाने, मेहता, चौधरी र रवीन्द्रकुमारको हकमा भने थप सजायको मागदाबीसमेत अख्तियारले गरेको छ

कान्तिपुरले विद्यालय ढिलो आउने विद्यार्थीलाई मात्र होइन, शिक्षकलाई पनि घर फर्काउने अभियान चलाइएकोबारेको समाचारलाई एंकर समाचारका रुपमा प्रकाशित गरेको छ । जहदा गाउँपालिका–१ स्थित जनता बाल आधारभूत विद्यालयकी शिक्षिका दुर्गावती राजवंशी सोमबार १० बजेर ५ मिनेटमा विद्यालय पुगिन् । मूलढोकामा बसेका कक्षा ७ का दुर्गी ऋषिदेव र चन्द्रिकाकुमारी सरबरियाले उनलाई सोधे, ‘मिस तपाईंको घडीमा कति बज्यो रु’ घडी हेरेर शिक्षिकाले जवाफ फर्काइन्,‘आउँदाआउँदै ५ मिनेट ढिला भएछ ।’

मोरङको बुधनगरस्थित जनता बाल आधारभूत विद्यालयबाट सोमबार घर फर्कंदै शिक्षिका । १० बजेभन्दा ढिलो पुगेपछि स्कुलले बनाएको नियमअनुसार विद्यार्थीले उनलाई घर फर्काएका थिए ।

दुवै छात्राले भने,‘आज तपाईं घर फर्कनुस्, भोलिदेखि १० बजेभित्र आइपुग्नुस् ।’घरबाट हिँडदा ढिला भएको भन्दै मनाउन खोजिन् तर विद्यार्थी मानेनन् । ‘आउँदाआउँदै ढिलो भइहाल्यो, आज घर फर्कन्छु, भोलिदेखि समयमै विद्यालय आइपुग्छु,’शिक्षिका राजवंशीले कान्तिपुरसँग भनिन्,‘आफैंले बनाएको नियम हो, पालना नगरी सुखै छैन ।’

विज्ञापनमा गल्ती भए ५बर्ष कैद शीर्षकमा कान्तिपुरले आज प्रमुख समाचार बनाएको छ भने हुण्डी अभियोगमा आठ जनालाई मुद्धाशीर्षकमापनि समाचार छापेको छ ।

प्रकाशित मिति: मंगलबार, माघ २२, २०७५ ०७:१८