अख्तियारले सरकारलाई भन्यो–‘भ्रष्टाचार र ढिलाइ अक्षम्य’

A+ A A-

अख्तियार दुरुपयोग अनुसन्धान आयोगले विकास–निर्माण आयोजनामा देखिएका बेथिति हटाउन सरकारको ध्यानाकर्षण गराएको समाचारलाई आजको कान्तिपुर दैनिकले प्रमुख समाचार बनाएको छ ।

अख्तियारले आफ्नो कार्यालयमा भौतिक पूर्वाधार निर्माण र विकाससँग जोडिएका मन्त्रालय र विभागका प्रमुखसँग गरेको अन्तर्क्रियामा प्रमुख आयुक्त नवीन घिमिरेले सरकारद्वारा सञ्चालित आयोजनाहरूको काममा भइरहेको ढिलाइ र भ्रष्टाचार क्षम्य हुन
नसक्ने बताएको समाचारमा उल्लेख छ ।

उनले सार्वजनिक निर्माण कार्यको ठेक्का व्यवस्थापनको अवस्था सम्बन्धमा अख्तियारले गरेको अध्ययनबाट सरकारी विकास–निर्माण कार्यको अवस्था भयावह पाइएको जानकारी गराए । उनले १ हजार ८ सय ४८ आयोजनाको निर्माण समयमा सम्पन्न नभई अलपत्र अवस्थामा रहेको र २३ अर्ब रुपैयाँभन्दा बढी सरकारी रकम पेस्की लिएर ठेकेदारले दुरुपयोग गरिरहेको उल्लेख गरे ।

यस्तै आजको कान्तिपुर दैनिकले टी ट्वान्टी शृंखलामा पनि ऐतिहासिक जित शीर्षकमा प्रमुख समाचार बनाएको छ । पहिलो खेलमा२१ रनले हार ब्यहोरेको नेपाल दोस्रोमा ४विकेट र तेस्रोमा १४ रनको जित निकालेर शृंखला विजेता बन्न सफल भएको हो ।
त्यस्तै गरी कान्तिपुर दैनिकले प्रमुख प्रतिपक्षी दल कांग्रेसले संसदीय सुनुवाई समितिको बैठक बहिस्कार गरेको समाचार पहिलो पृष्ठमा प्रकाशित गरेको छ भने थुनाबाट ह्वाट्सएपमा किताव शीर्षकमा अर्काे समाचार पनि प्रकाशित गरेको छ ।

प्रकाशित मिति: सोमबार, माघ २१, २०७५ ०७:२४