सडकमा सर्वसाधारणको काल बन्दै टिपर

A+ A A-

आजको राजधानी दैनिकले टिपर आतंकबारेको समाचारलाई प्रमुख समाचार बनाएको छ । काठमाडौं उपत्यकामा टिपर त्रास बढेको समाचारमा उल्लेख छ । यहाँ हिँड्डुल र यात्रा गर्ने अधिकांश नागरिक जुनसुुकै समयमा पनि टिपरका कारण मृत्युको मुखमा पर्न सक्नेमा भयभित छन् । उपत्यका मात्रै होइन, देशभर टिपरको दादागिरीले सर्वसाधारण आतंकित छन् । पैदल यात्रु, मोटरसाइकल चालक वा गाडी चालक जोसुकै पनि नजिकैबाट टिपर हुइँकिएर आउँदा लामो सास फेर्न विवश छन् ।

चालू आर्थिक वर्षको पुस मसान्तसम्म उपत्यकामा टिपरको ठक्करबाट आठ जनाले ज्यान गुमाइसकेका छन् भने सयौंको संख्यामा घाइते भएका छन् । महानगरीय ट्राफिक महाशाखाका अनुसार उपत्यकामा मात्रै ६६८ वटा टिपर निरन्तर गुड्ने गर्छन् ।

गत आर्थिक वर्ष २०७४÷७५ मा टिपरको ठक्करले उपत्यकामा २१ जनाको मृत्यु भएको थियो । अधिकांश दुर्घटनाको कारण भने चालकको लापर्बाही, अनियन्त्रित गतिमा सवारी चलाउने र ओभरटे हुने गरेको प्रहरी बताउँछ ।

त्यस्तैगरी, राजधानी दैनिकले उपत्यकाका खानेपानीमा आउन ढल मिसिएको र यसले उपभोक्ताको स्वास्थ्यमा जोखिम ल्याउन सक्नेबारेको समाचारलाई प्रमुख समाचार बनाएको छ ।

काठमाडौं उपत्यका खानेपानी लिमिटेडले राजधानीमा वितरण गर्दै आएको खानेपानीमा ढल आउन थालेको छ । उपभोक्ताका अनुसार काठमाडौं उपत्यका खानेपानी लिमिटेड ९केयूकेएल० को चरम लापर्बाहीका कारण खानेपानीमा ढल आउन थालेको हो । खानेपानी लिमिटेडले उपत्यकामा दैनिक करिब १३ करोड लिटर पानी वितरण गर्दै आइरहेको छ ।

केयूकेएलले आपूर्ति गर्दै आएको मैतिदेवी, घट्टेकुलो, सामाखुसी, गोंगबु, माछापोखरी, नयाँबजार, महाराजगन्ज,बसुन्धरालगायतका अधिकांश ठाउँमा खानेपानीमा ढल मिसिएर आउन थालेको ती क्षेत्रका बासिन्दाको गुनासो छ ।

राजधानी दैनिकले नेपाल विद्यार्थी संघले ६ वटा सरकारी गाडी नियन्त्रणमा लिएको बारेको समाचारलाई पनि पहिलो पृष्ठमा प्रकाशित गरेको छ भने देशभरका सबै विद्यालयमा स्यानिटरी प्याडसहितको अलग शौचालय बनाइने समाचार पनि प्रकाशित गरेको छ ।

प्रकाशित मिति: आइतबार, माघ २०, २०७५ ०७:१९