नेपाल–अमेरिका सम्बन्ध चिसो

A+ A A-

भेनेजुएला प्रकरणबारे नेकपा अध्यक्ष पुष्पकमल दाहालले दिएको वक्तव्यबाट एकाएक चिसिएको नेपाल–अमेरिका सम्बन्ध थप पेचिलो बनेको छ ।

अमेरिकी सरकारले दाहालको वक्तव्यलाई लिएर नेपाल सरकारको ध्यानाकर्षण गर्न वासिङटन डिसीस्थित नेपाली राजदूत अर्जुन कार्कीलाई विदेश मन्त्रालयमा बोलाएर प्रस्टीकरण लिएको छ । यता प्रधानमन्त्री केपी शर्मा ओलीसहितले कूटनीतिक समुदायलाई गरेको ब्रिफिङमा शुक्रबार काठमाडौंमा रहेका अमेरिकी राजदूत अनुपस्थित भएका छन् । आजको कान्तिपुर दैनिकको मुख्य समाचार छ ।

अमेरिकी सरकारले नेपालसँग पार्टीको वक्तव्य र सरकारको धारणा एउटै भएरनभएको बारेमा डिसी र काठमाडौं, दुवै ठाउँमा जानकारी लिइएको काठमाडौंस्थित अमेरिकी दूतावासका एक प्रवक्ताले कान्तिपुरलाई जानकारी दिएको समाचारमा उल्लेख छ ।

बंगलादेशमा नेपालीमूलका मन्त्री शीर्षकमा कान्तिपुरले पहिलो पृष्ठमा अर्को समाचार छापेको छ ।

नेपालीमूलका वीरबहादुर उस्वे सिंह बंगलादेशको क्याबिनेट मन्त्री छन् । गत निर्वाचनमा हसिनाको पार्टी अवामी लिगले बहुमत हासिल गरेपछि जनवरी ७ मा नयाँ मन्त्रिमण्डल गठन भएको थियो । वीरबहादुरलाई चितागोङ (चटगाव) हिल ट्रयाक्ट्स अफेयर्स मन्त्रीको जिम्मेवारी दिइएको कान्तिपुरको समाचारमा उल्लेख छ ।

नेपालीमूलका बंगलादेशीमा उच्च पदमा पुग्ने वीरबहादुर मात्रै हुन् । अन्य न व्यापारी–उद्योगपति छन् । न त प्रतिष्ठित व्यक्ति नै । मुख्य पेसा चौकिदारी नै हो । गाडी चालक पनि छन् । उद्योगधन्दामा काम गर्ने श्रमिकको संख्या अलि बढी छ । आजको कान्तिपुरले समाचारमा उल्लेख गरेको छ ।
डा. केसीको अनशन स्थगितको समाचार भने कान्तिपुरले भित्री पृष्ठमा छापेको छ ।

प्रकाशित मिति: शनिबार, माघ १९, २०७५ ०७:३२