प्रदर्शन र सभालाई रोक्न सक्ने विधेयक संसदमा दर्ता

A+ A A-

कान्तिपुर दैनिकले प्रदर्शन र भेलालाई प्रमुख जिल्ला अधिकारीले रोक लगाउन सक्ने प्रावधानसहित सरकारले नयाँ कानुन बनाउन लागेको समाचारलाई प्रमुख समाचार बनाएको छ ।

गृह मन्त्रालयले संसद् सचिवालयमा दर्ता गराएको शान्ति र सुरक्षा कायम गर्ने सम्बन्धमा व्यवस्था गर्न बनेको विधेयकमा प्रमुख जिल्ला अधिकारीले भेला शान्तिपूर्ण प्रदर्शन र सभा गर्नुपूर्व नै रोक लगाउन सक्ने प्रावधान रहेको समाचारमा उल्लेख छ ।
कुनै भेलाले शान्तिसुरक्षामा असर पर्ने लागेमा रोक लगाउन सक्ने अधिकार तोकिए पनि कस्तो भेलाले शान्तिसुरक्षामा असर पुर्‍याउन सक्छ भन्ने खुलाइएको छैन ।

यस्तै कान्तिपुर दैनिकले भएका रंगशाला सबै अलपत्र शीर्षकमा अर्काे समाचार पहिलो पृष्ठमा प्रकाशित गरेको छ । नेपालमा रंगशाला नभएकै कारण यो वर्षको १३औं साग खेलकुद सार्नुपरेको समाचारमा जनाइएको छ । सरकार प्रमुखको उपस्थितिमा सामाजिक अभियन्ता जोडीले अन्तर्राष्ट्रियस्तरको सुविधासम्पन्न क्रिकेट रंगशाला बनाउने घोषणा गरिरहँदा सरकारकै लगानीमा करिब डेढ दशकअघि सुरु गरिएको मूलपानीको क्रिकेट रंगशाला निर्माण भने अलपत्र छ ।

पुननिर्माणका क्रममा रहेको त्रिपुरेश्वरस्थित दशरथ रंगशाला । ३ वर्ष बित्दा पनि काम नसकिँदा ठूला प्रतियोगिताको आयोजना प्रभावित बनेको छ ।

सरकारी लागतमा बनिरहेका परियोजना अस्तव्यस्त राखेर प्रधानमन्त्री केपी शर्मा ओलीले एकीकृत बस्ती निर्माण गरेर जनस्तरबाट व्यापक सराहना बटुलिरहेका कलाकार जोडी सीताराम कट्टेल धुर्मुस र कुञ्जना घिमिरे सुन्तलीको संकल्प साकार पार्ने आश्वासन सगर्व राखेका छन् । ५ वर्षअघि पुनर्निर्माण थालिएको सरकारको पूरै लगानी रहने त्रिपुरेश्वरस्थित दशरथ रंगशाला अझै ठडिन सकेको छैन । अस्तव्यस्त अवस्थामा छ ।
यस्तै कान्तिपुर दैनिकले पापिनीहरुको लगन शीर्षकमा रुकुम पश्चिमको समाचार पहिलो पृष्ठमा प्रकाशित गरेको छ ।

प्रकाशित मिति: शुक्रबार, माघ १८, २०७५ ०७:५५