ऋणमा चर्काे ब्याजदर: व्यवसायी आन्दोलित

A+ A A-

बैंकहरुले लगातारको चर्काे ब्याजदरले लागत बढेर प्रतिस्पर्धात्मक क्षमता गुमेको भन्दै उद्योगी व्यवसायी ब्याजघटाउन माग राख्दै सडकमा उत्रिएको समाचारलाई आजको नागरिक दैनिकले प्रमुख समाचार बनाएको छ ।

सरकारले उद्यमी व्यवसायीमैत्री वातावरण बनाएको भनेर दाबी गरिरहेका बेला चर्काे ब्याजदरले व्यवसायढ थलिएको भन्दै उद्योगी व्यवसायी सडक आन्दोलनमा आएका हुन् । नेपाल उद्योग वाणिज्य महासंघको सदस्य संस्था उद्योग संगठन मोरङ र मोरङ व्यापारसंघले बैंक तथा वित्तीय संस्थाको चर्काे ब्याजदरले व्यापार उठ्नै नसक्ने गरी थलिएको भन्दै तत्काल सम्बोधन गर्न राष्ट्र बैंकसमक्ष माग राखेका छन् । उनीहरुले माग पुरा नभए चरणबद्ध आन्दोलन गर्ने कार्यक्रम पनि सार्वजनिकगरेका छन् ।

यस्तै आजको नागरिक दैनिकले डा.केसीको अनसनको समर्थनमा देशभरका चिकित्सक सडकमा आउने शीर्षकलाई दोस्रो प्राथमिकता दिएको छ । चिकित्सा शिक्षामा सुधार माग राखेर अनशन बसेका डा. गोविन्द केसीको माग सम्बोधन र जीवनरक्षाका लागि सरकारले पहल नगरेको भन्दै देशभरका चिकित्सक सडकमा उत्रेका छन्। डा. केसीका माग सम्बोधन गर्न सरकारले बेवास्ता गरेपछि उनको अनशन लम्बिँदै गएको छ। केसीको माग पूरा गर्न र जीवनरक्षाका लागि सरकारलाई दबाब दिन नेपाल चिकित्सक संघको अगुवाइमा देशभरका चिकित्सक सडकमा उत्रेका हुन्।

डा. केसी आफ्नो १५औं अनशन क्रममा सरकारले गरेको सहमति कार्यान्वयन माग राखेर पुस २५ गतेदेखि अनशनमा छन्। उनी अनशन बसेको बुधबार २२ दिन पुगेको छ। लामो समयसम्म खाना नखाँदा केसीको स्वास्थ्य अवस्था गम्भीर अवस्थामा पुगेको चिकित्सकले जनाएका छन्।
चिकित्सा शिक्षा सुधारसम्बन्धी माग राखेर केसी अनशन बसेको यो सोह्र पटक हो। अहिले उनी त्रिवि शिक्षण अस्पताल, काठमाडौंको गणेशमानसिंह भवनमा अनशनरत छन्। देवीदेवताका नाम हटाउँदै सशस्त्र प्रहरी शीर्षकको समाचारलाई पनि नागरिकलेपहिलो पृष्ठमा प्रकाशित गरेको छ ।

प्रकाशित मिति: बिहीबार, माघ १७, २०७५ ०७:११