जर्मनीमा चाङआनको ईभी ब्रान्ड डिपल सार्वजनिक, यसै वर्ष १० युरोपेली मुलुकमा विस्तार गर्ने लक्ष्य

एक इन्टेलिजेन्ट लो-कार्बन मोबिलिटी प्रविधि कम्पनी चाङआन अटोमोबाइलले जर्मनीमा आफ्ना तीन प्रमुख ब्रान्डहरू चाङआन, डिपल र अवतार औपचारिक रूपमा सार्वजनिक गरेको छ ।

कार्यक्रममा चाङआनले चाङआन ई०७ र डिपल एस०५ सँगै युरोपेली डेब्युको रूपमा डिपल एस०७ पनि प्रदर्शन गर्‍यो, जसको लन्च पछिल्लो चरणका लागि तय गरिएको थियो । बुद्धिमत्ता र विद्युतीकरणमा अत्याधुनिक प्रविधिहरूका साथ चाङआनले युरोपका लागि उच्च प्रदर्शन गर्ने विद्युतीय सवारी साधनहरूको माग पूरा गरिरहेको दाबी गरेको छ ।

'जर्मनीमा आउन पाउँदा हामीलाई खुसी लागेको छ,' चाङआन अटोमोबाइलका अध्यक्ष झु हुआरोङले भने, 'चाङआन एक खुला र सहयोगी कम्पनी हो, जुन दिगो गतिशीलताको नेतृत्व गर्ने र मानव जीवनलाई फाइदा पुर्‍याउने स्पष्ट लक्ष्यद्वारा सञ्चालित छ ।'

'हामीले यस वर्ष विश्वव्यापी रूपमा ३० लाख युनिट बिक्री गर्ने लक्ष्य राखेका छौँ, जसमा १० लाख विद्युती सवारीसाधनहरू हुनेछन् । हामीले सन् २०३० सम्ममा प्रतिवर्ष ५ लाख सवारीसाधनहरू डेलिभरी गर्ने लक्ष्य राखेका छौँ, जसमा ३० लाख विद्युती हुनेछन् । योसँगै हामी राम्रो भविष्यका लागि इन्नोभेसन पनि चलाइरहनेछौँ,' झुले थपे ।

छ देश र १० स्थानमा फैलिएको आर एन्ड डी प्रणालीद्वारा सञ्चालित चाङआनको टेक्निकल इन्नोभेसन विश्वव्यापी रूपमा मान्यताप्राप्त छ । यसमा ३१ देश र क्षेत्रहरूबाट आउने १८ हजारभन्दा बढी आर एन्ड डी कर्मचारीहरू कार्यरत छन्, जसमा १६ प्रविधि अनुसन्धान र उत्पादन विकास केन्द्रहरू, १७ प्रविधि कम्पनी र १८० प्रयोगशालाहरू (राष्ट्रिय स्तरका प्रयोगशालाहरूसहित) रहेका छन्, जसले यसलाई युरोपेली ईभी बजारको एक प्रमुख भागको रूपमा स्थान दिन्छ ।

Changan-(2)-1742896430.jpg
युरोपेली सुरुवातको एक हिस्साको रूपमा चाङआनले सुरुमा नर्वे, डेनमार्क, जर्मनी, नेदरल्यान्ड्स र बेलायतजस्ता प्रमुख ईभी बजारहरूमा ध्यान केन्द्रित गर्दै बजार प्रवेशको औपचारिक रणनीति अपनाएको छ । सन् २०२८ सम्ममा कम्पनीले सबै प्रमुख युरोपेली बजारहरूमा उपस्थिति जनाउने योजना बनाएको छ ।

नेदरल्यान्ड्समा अवस्थित युरोपेली मुख्यालयले व्यापार सञ्चालनको केन्द्रको रूपमा काम गर्नेछ । बिक्री कम्पनीहरूको मुख्यालय जर्मनीको म्युनिखमा स्थापना गरिएको छ । हाल युरोपभरि लगभग ५०० कर्मचारीहरू कार्यरत छन्, जसमा इटाली र बेलायतका अनुभवी डिजाइनर र इन्जिनियरहरू पनि समावेश छन् । इन्नोभेसन र बजार संलग्नतालाई अगाडि बढाउन आफ्नो लोकल ट्यालेन्ट पुल विस्तार गर्न कम्पनी लागिपरेको छ ।

प्रकाशित मिति: मंगलबार, चैत १२, २०८१ १५:३८