भारतको अग्रणी टायल उत्पादक कम्पनी कजरियाले पोखराको शिवचोकमा नयाँ शोरुम खोलेर नेपालमा आफ्नो उपस्थिति विस्तार गरेको छ । धौलाश्री सप्लायर्सद्वारा सञ्चालित उक्त नयाँ शोरुमको प्रमुख अतिथि पोखरा चेम्बर अफ कमर्सका अध्यक्ष गोकर्ण कार्कीले उद्घाटन गरेका हुन् ।
कार्यक्रममा कजरियाका निर्देशक हिमांशु अग्रवालले नयाँ शोरुमको बारेमा उत्साह व्यक्त गरे । उनले भने, 'पोखरा प्रिमियम बजार हो, यहाँ कजरिया टाइल्सको माग सधैँ उच्च रहँदै आएको छ । पोखराका जनताले कजरियालाई निरन्तर माया र विश्वास गर्दै आएका छन् । त्यसैले हामीले उहाँहरूलाई उत्कृष्ट कजरिया टाइल्समा सहज पहुँच सुनिश्चित गरेका छौँ । यो शोरुमले उच्च गुणस्तरका उत्पादन र सेवाहरू प्रदान गर्ने हाम्रो प्रतिबद्धतालाई सङ्केत गर्दछ ।'
मनमोहक प्राकृतिक सुन्दरता र जीवन्त पर्यटन उद्योगका लागि परिचित शहर पोखरामा कजरियाको उपस्थितिले घरधनी, आर्किटेक्ट र ठेकेदारहरूलाई विश्वस्तरीय टाइलहरू प्रदान गरेर यी विकासहरूलाई समर्थन गर्न महत्त्वपूर्ण भूमिका खेल्ने विश्वास गरिएको छ ।
प्रकाशित मिति: सोमबार, माघ १४, २०८१ १६:४५
-1743661115.jpg)
-1743579183-1743604118.jpg)
