सीजी इलेक्ट्रोनिक्सको रोमाञ्चक अफर सम्पन्न : १ हजार जनाले पाए एनपीएल टिकट

शिलापत्र संवाददाता बिहीबार, पुस ४, २०८१

A+ A A-

सीजी इलेक्ट्रोनिक्सले नेपाल प्रिमियर लिग (एनपीएल) क्रिकेटको अवसर पारेर सञ्चालन गरेको रोमाञ्चक अफर सफलतापूर्वक सम्पन्न भएको जनाएको छ । यस अफरअन्तर्गत कम्पनीले १ हजारवटा एनपीएल टिकट ग्राहकहरूलाई वितरण गरेको छ ।

उक्त अफरअन्तर्गत सीजी इलेक्ट्रोनिक्सको उत्पादन खरिद गर्ने ग्राहकहरूमध्ये लक्की ड्रमार्फत १ हजार जना विजेता छनोट गरिएको थियो, जसले कीर्तिपुरस्थित क्रिकेट स्टेडियममा प्रत्यक्ष खेल हेर्ने अवसर प्राप्त गरे ।

कम्पनीले एलजी, सीजी, टीसीएल, गोदरेज, बेको, सेन्साई, ब्ल्याक एन्ड डेकर, माइडिया, केन्ट, एलिका र क्रम्प्टनजस्ता राष्ट्रिय तथाअन्तर्राष्ट्रिय ब्रान्डका उत्पादन खरिद गर्ने ग्राहकहरूमध्येबाट लक्की ड्रमार्फत भाग्यशाली विजेता छनोट गरी सबै टिकट वितरण गरेको हो ।

अभियानका क्रममा ठूला घरेलु उपकरणहरू जस्तैः टीभी, वासिङ मेसिन, फ्रिज, एयर कन्डिसनर, बिभिन्न प्रकारका हिटर, डिसवासरलगायत साना घरेलु उपकरणहरू जस्तै, एयर फ्रायर, भ्याकुम क्लिनर, आइरन, कफी मेकरजस्ता उत्पादनहरू खरिद गर्न ग्राहकहरूले ठूलो उत्साह देखाएको सीजी इलेक्ट्रोनिक्सका प्रतिनिधिले बताए ।

प्रकाशित मिति: बिहीबार, पुस ४, २०८१ १६:२६

शिलापत्र संवाददाता

प्रतिक्रिया दिनुहोस्