मधेशमा जसपा नेतृत्वकाे सरकार ढाल्ने तयारी, भरत साह भन्छन्– जुनसुकै बेला उथलपुथल हुन सक्छ

मधेशमा जसपा नेतृत्वकाे सरकार ढाल्ने तयारी, भरत साह भन्छन्– जुनसुकै बेला उथलपुथल हुन सक्छ

मुख्यमन्त्री सराेजकुमार यादव

A+ A A-

जनता समाजवादी पार्टी विभाजन भएसँगै मधेशमा मुख्यमन्त्री सरोजकुमार यादव नेतृत्वको सरकार संकटमा परेको छ ।
मधेश प्रदेश सरकारका प्रमुख सहयोगी दल नेकपा एमाले र नेकपा माओवादी केन्द्रले सरकारलाई दिएकाे समर्थन फिर्ता लिने तयारी गरेको छन् । याेसँगै जसपा नेपालका यादव नेतृत्वकाे सरकार संकटमा परेकाे हाे ।

मुख्यमन्त्री यादव अहिले काठमाडौंमै रहेका बेला एमालेले उनी नेतृत्वकाे सरकार ढालेर आफ्नै नेतृत्वमा गठन गर्ने गृहकार्य थालेकाे हाे । अहिले सत्तामा रहेका एमाले, माओवादीसहित विपक्षमा रहेका जनमत र लोसपालाई लिएर सरकार सरकार बनाउने प्रयास भइरहेकाे छ । यी चार दल मिले मधेशमा सरकार गठनका लागि बहमुत पुगिहाल्छ ।

माओवादी अध्यक्षसमेत रहेका प्रधानमन्त्री पुष्पकमल दाहाल प्रचण्डले बिहीबार बिहानै संसदीय दलका नेता भरत साहलाई सरकारलाई समर्थन फिर्ता दिएर बाहिरिनका लागि तयार रहन निर्देशन दिएका मधेशका एक नेताले जानकारी दिए । यद्पि साहले भने निर्देशन आएकाे बारे खुलेर बताउन चाहेनन् ।

'अहिलेसम्म त्यस्तो कुनै निर्देशन छैन', उनले भने, 'तर राजनीतिक उथलपुथल जुनसुकै बेला हुन सक्छ ।' सरकारबाट बाहिरिनेबारे माओवादी संसदीय दलका नेता साह र एमाले संसदीय दलका नेतासमेत रहेका भौतिक पूर्वाधार विकास मन्त्री सरोज यादवबीच आजै दिउँसाे छलफल भएकाे थियाे ।

साहले समसामायिक विषयमा छलफल भएको बताए । सरकारलाई दिएकाे समर्थन फिर्ता लिनुअघि एमाले दलका नेता यादवले जनमत र लोसपाका नेतासँग वार्ता गरेर स्थिति परिपक्व पार्ने प्रयास गरिरहेका छन् ।