सांग्रिला डेभलपमेन्ट बैंकद्वारा अन्तरशाखा हाजिरीजवाफ प्रतियोगिता सम्पन्न, विजेताले पाए ६० हजार नगद

सांग्रिला डेभलपमेन्ट बैंकद्वारा अन्तरशाखा हाजिरीजवाफ प्रतियोगिता सम्पन्न, विजेताले पाए ६० हजार नगद

A+ A A-

सांग्रिला डेभलपमेन्ट बैंकले सञ्चालन गरेको अन्तरशाखा हाजिरी जवाफ प्रतियोगिता सम्पन्न भएको छ । शाखाका कर्मचारीहरूको वृत्ति विकासको उद्देश्य राखेर सञ्चालन गरिएको हाजिरीजवाफ प्रतियोगिता 'साङ्ग्रिला क्वीज' (साङ्ग्रिला क्वीज)को अन्तिम चरणको कन्ट्री राउन्ड क्विज प्रतियोगिता बुधबार सम्पन्न भएको हो ।

प्रतियोगितामा सञ्चालन समूहको तर्फबाट सुर्खेतका सबक्लस्टरका महेश रावल र हेमन्त बीसी विजेता बनेका छन् भने धनगढी क्लस्टरका निरज कुँवर तथा गणेश सिंह ठगुन्ना उपविजेता बनेका छन् ।

त्यस्तै, कर्जा समूहका तर्फबाट काठमाडौं क्लस्टरका चेतन भट्टराई तथा सञ्जुकुमारी श्रेष्ठ विजयी भएका छन् । त्यस्तै, वीरगञ्ज सबक्लस्टरका लवदेव पाठक तथा अरुण ब्लोन उपविजेता बनेका छन् ।

गत २६ माघदेखि शाखास्तरमा सुरु भएको सो प्रतियोगिता २८ फागुनमा क्लस्टरस्तरमा सम्पन्न भई छनोट भएका प्रतियोगीहरूको अन्तिम चरणको प्रतिस्पर्धा आम्रपाली ब्याङ्क्वेट काठमाडौंमा सम्पन्न भएको हो ।

हाजिरीजवाफ प्रतियोगितालाई सञ्चालन (अपरेसन) तथा कर्जा (क्रेडिट) गरी दुई समूहमा वर्गीकरण गरिएको थियो । शाखास्तरको प्रथम चरणमा ४६४ कर्मचारी सहभागी भएकोमा सोबाट विजयी १८७ कर्मचारीले क्लस्टरस्तरको दोस्रो चरणमा भाग लिएका थिए । तत्पश्चात्, दोस्रो चरणमा विजयी तथा उपविजयी भएका संचालन तथा कर्जा समूहका २०–२० जना गरी जम्मा ४० जना प्रतियोगीहरूको अन्तिम चरणको कन्ट्री राउन्डमा प्रतिस्पर्धा भएको थियो ।

quiz 31714720401.jpg

कार्यक्रममा सांग्रिला डेभलपमेन्ट बैंकका कार्यकारी एवं उच्च व्यवस्थापन तहका कर्मचारी, विभागीय तथा इकाइ प्रमुखहरू, क्लस्टर/सब–क्लस्टर प्रमुख, शाखा प्रमुखहरू तथा अन्य कर्मचारीहरूसमेत गरी करिब ३५० भन्दा बढी कर्मचारीहरू सहभागी भएका थिए ।

कार्यक्रममा दुई समूहका चार जना विजेता कर्मचारी प्रत्येकलाई नगद ६० हजार र दुई समूहका उपविजेता चार जना कर्मचारी प्रत्येकलाई नगद ४० हजार नगद पुरस्कारसहित प्रमाणत्र प्रदान गरिएको थियो ।

प्रकाशित मिति: शुक्रबार, वैशाख २१, २०८१ १२:५९