चन्द्र ढकाल भन्छन्- उद्योग वाणिज्य महासंघको पहलमा १० अर्ब बराबरको ‘इन्भेष्टमेन्ट कम्पनी’ स्थापना गर्दैछौँ

चन्द्र ढकाल भन्छन्- उद्योग वाणिज्य महासंघको पहलमा १० अर्ब बराबरको ‘इन्भेष्टमेन्ट कम्पनी’ स्थापना गर्दैछौँ

A+ A A-

नेपाल उद्योग वाणिज्य महासंघका अध्यक्ष चन्द्रप्रसाद ढकालले महासंघको पहलमा १० अर्ब बराबरको ‘इन्भेष्टमेन्ट कम्पनी’ स्थापना गर्न लागिएको बताएका छन् ।

बुधबार काठमाडौंमा भएको नेपाल घरजग्गा तथा आवास विकास संघको १७ औँ साधारण सभालाई सम्बोधन गर्दै अध्यक्ष ढकालले पुँजी अभावका कारण धेरै आयोजना र उद्योग स्थापना गर्न नसकिएको भन्दै अब नेपालमा छरिएर रहेको पुँजीलाई एक ठाउँमा संकलन गरी देशभरका उद्यमी व्यवसायीहरूले लगानी गर्न सक्ने गरी १० अर्ब पुँजीको इन्भेष्टमेन्ट कम्पनी दर्ता गर्न लागिएको जानकारी दिए । उनले कम्पनीमा उद्योग वाणिज्य महासंघ, नेपाल उद्योग परिसंघ, नेपाल चेम्बर अफ कमर्स अन्तर्गतका व्यवसायी तथा अन्य व्यवसायीहरूलाई समेत समेटेर कम्पनी स्थापना गरिने बताए ।

अध्यक्ष ढकालले ठूला मेगा प्रोजेक्ट, ट्रान्समिसन लाइन, ठूलो बस्ती विकास, हाइवे, हाइड्रो, पर्यटनलगायतका आयोजना सानो रकम अभावमा सम्पन्न हुन नसक्ने आयोजनामा लगानी गर्न सक्ने गरी कम्पनी स्थापना गरिने बताए । साना र मझौला उद्यमी व्यवसायीलाई प्राथमिकता दिने उनको भनाइ छ । अध्यक्ष ढकालले कुनै व्यवसायीले साना रकम २ लाख लगानी गर्न चाहेमा त्यो रकम पनि स्वीकार गरेर पुँजी संकलन गरिने बताए । उनले महासंघका सदस्यबाहेकका अन्य उद्योगी व्यवसायीले पनि लगानी गर्न सक्ने बताए ।

अध्यक्ष ढकालले सर्वसाधारणबाट पैसा जम्मा गरेर आईपीओमा जानेभन्दा पनि ९० प्रतिशत रकम उद्योगी व्यवसायीबाट संकलन गरिने बताए । कम्पनी स्थापनापछि ३५ देखि ४० अर्बका परियोजनामा लगानी गर्न सकिने अवस्था रहेको बताए । कम्पनीमा धेरै पैसा हुनेले धेरै लगानी गर्छु भनेर नपाउने बताउँदै लगानीका लागि निश्चित सीमा तोकिने र ७७ वटै जिल्लाबाट प्रतिनिधित्व गराउने बताए । अध्यक्ष ढकालले मुलुकमा केही गर्न सकिँदैन भन्ने मनोभावलाई अन्त्य गर्न पनि मुलुकभित्रको लगानी संकलन गरी ठूला अयोजनामा लगानी गर्न सकिने बताए ।

प्रकाशित मिति: बुधबार, वैशाख १९, २०८१ १५:३७

शिलापत्र संवाददाता

प्रतिक्रिया दिनुहोस्

भर्खरै

नेप्से परिसूचकमा वृद्धि, कारोबार रकम उच्च

नेताहरूको कुर्सी मोहका कारण मुलुक कमजोर अवस्थामा पुग्योः विप्लव

मोहम्मद मोखबर तोकिए इरानका कार्यवाहक राष्ट्रपति, साउदीले पठायो समवेदना सन्देश

कांग्रेसले बोलायो केन्द्रीय समिति र संसदीय दलको संयुक्त बैठक

अहिलेको संसदले संक्रमणकालीन न्यायसम्बन्धी विधेयक पारित गर्दैनः पूर्वसभामुख ढुंगाना

लोकप्रिय

छानबिन समिति बने गृहमन्त्रीबाट राजीनामा दिने तयारीमा रवि लामिछाने

'ओलीकाे दल फुटाउने षड्यन्त्रमा प्रचण्डकाे पनि संलग्नता देखियाे, विश्वासकाे मत लिने कुरामा सफा नियत छैन'

को हो गौशाला २६ ?

एमाले र माओवादीसँग कसरी बिग्रियो उपेन्द्रको सम्बन्ध ?

सन्दीपको मुद्दामा फैसला सुनाउनुअघि न्यायाधीशले सीसीटीभी फुटेज हेर्ने

विचार

पत्रकारिता र विचारको लडाइँ

विद्यार्थी आन्दोलनमाथि उठिरहेको प्रश्न

दिगो विकासको आधारः शिक्षा व्यवस्था र विश्वदृष्टिकोण

ब्लग

सम्पादक शिव डोटेललाई पत्र- साँच्चै ती दिन क्या दामी थिए है

रहस्यैरहस्यको चाङ नरवीर नेम्वाङ

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

शिक्षा

बेनी नगरपालिकाले सुरु गर्‍यो ‘हामी सक्छौँ, हामी गर्छौं’ कार्यक्रम

विद्यार्थीविहीन विद्यालयमा चार शिक्षक

दिगो विकासको आधारः शिक्षा व्यवस्था र विश्वदृष्टिकोण