सम्पत्ति विवादमा चक्रवर्ती कलेजका सञ्चालक देवेन्द्रमाथि छोरा निरजले प्रहार गरे खुकुरी, २४ जना पक्राउ

सम्पत्ति विवादमा चक्रवर्ती कलेजका सञ्चालक देवेन्द्रमाथि छोरा निरजले प्रहार गरे खुकुरी, २४ जना पक्राउ

चक्रवर्ती कलेजका सञ्चालक देवेन्द्र भण्डारी

A+ A A-

काठमाडौंको बिजुलीबजारस्थित चक्रवर्ती हबी एजुकेसन एकेडेमीका सञ्चालक देवेन्द्र भण्डारीमाथि उनकै छोरा निरज भण्डारीले खुकुरी प्रहार गरेका छन् । बाबुछोराबीच सो कलेजको सम्पत्तिको विषयलाई लिएर विवाद थियो । विवादका बीच सोमबार राति छोराले बाबुमाथि खुकुरी प्रहार गरेका हुन् ।

सोमबार राति बाब देवेन्द्र समूहसहित राति कलेजमा प्रवेश गर्न खोज्दा कलेजभित्र समूहसहित नै रहेका निरजले बाबुमाथि खुकुरी प्रहार गरेका हुन् । खुकुरी प्रहारबाट देवेन्द्र गम्भीर घाइते भएका छन् । सुरुमा उनको उपचार मीन भवनस्थित सिभिल अस्पतालमा भएको थियो । तर, अवस्था गम्भीर भएपछि उनलाई नर्भिक अस्पताल रिफर गरिएको प्रहरीले जनाएको छ । उनको टाउको चोट लागेको र बोल्न नसक्ने अवस्थामा रहेको प्रहरीले जनाएको छ ।

यही घटनामा चितवन घर भई शंखमूल बस्दै आएका २२ वर्षीय सुरज रेग्मी पनि घाइते भएका छन् ।

सोमबार राति बाबुछोराको समूहबीच झडप भएको प्रहरीले बताएको छ । प्रहरीले यो प्रकरणमा छोरा निरजसहित २४ जनालाई पक्राउ गरी हिरासतमा राखेको छ । प्रहरीले यो विषयमा अनुसन्धान भइरहेको जनाएको छ ।

पक्राउ पर्नेहरूः

१. कैलाली धनगढी उपमहानगरपालिका वडा नं २ घर भई हाल काठमाडौं बिजुलीबजार बस्ने वर्ष २७ को धिर्खबहादुर रोकाया ।

२. काठमाडौं चक्रपथका वर्ष २५ को अभिनक सिंह राठौर ।

३. जिल्ला सुनसरी इटहरी उपमहानगरपालिका वडा नं १२ घर भई हाल काठमाडौं– ९ बत्तीसपुतली बस्ने वर्ष ३१ का क्षितिज कोइराला ।