कञ्चनपुरमा सामूहिक बलात्कारपछि हत्याः चार जना पक्राउ, एक फरार

A+ A A-

कञ्चनपुरमा एक युवतीको सामूहिक बलात्कारपछि हत्या गरिएको अभियोगमा प्रहरीले चार जनालाई पक्राउ गरेको छ । जिल्लाको पुनर्वास नगरपालिका–३ की युवतीको बलात्कारपछि हत्या अभियोगमा पक्राउ परेका चार जनालाई प्रहरीले आज सार्वजनिक गरेको हो ।

पक्राउ पर्नेमा बेलौरी नगरपालीका–१ बस्ने २७ वर्षीय सरोज राना, १९ वर्षीय राहुल राना, लालझाडी गाउपालिका–१ नौरङगा बस्ने ३३ वर्षीय सेनराज राना, ३३ वर्षीय पर्शु राना रहेको जिल्ला प्रहरी कार्यालयका प्रहरी निरीक्षक पुस्करराज पन्तले बताए । हत्याान संलग्न भनिएका लालझाडीका ३० वर्षीय राजकुमार राना फरार छन् । उनको खोजी भइरहेको प्रहरीले जनाएको छ ।

भदौ ३० गते बिहान आईबीआरडी बजारदेखि घरतर्फ जाने सडकमा वेवारिसे अवस्थामा मृत भेटिएकी यवतीको सामूहिक बलात्कारपछि हत्या भएको प्रहरीले जनाएको छ र

२९ भदौको साँझ मामाघर जान्छु भनेर घरबाट निस्किएकी युवती भोलिपल्ट आईबीआरडी बजारदेखि (घ) गाउँतर्फ जाने सडकमा मृत अवस्थामा भेटिएकी थिइन् ।

शव परीक्षणका क्रममा टाउको, दाहिने कान लगायत शरीरमा चोट देखिएपछि प्रहरीले गम्भीरतापूर्वक घटनाको अनुसन्धान थालेको थियो ।

प्रहरी निरीक्षक पन्तकाअनुसार अनुसन्धानका क्रममा घर्ती घरबाट निस्किएको दिन युवाहरूले ललाई फकाई गरी मोटरसाइकलमा राखेर लालझाडी गाउँपालिका–१ को लालझाडी जंगलमा हात्ती हेर्न तथा वनको रेखदेख गर्नका लागि लगेको पाइएको ।

त्यहाँ बनाइएको काठको टहरामा घर्तीलाई लगेर मदिरा सेवन गराएपछि राति साढे १० बजेको समयमा उक्त टहराको तेस्रो तलाबाट युवतीलाई उनीहरूले खसालेको देखिएको प्रहरीको भनाइ छ ।

टहरोबाट खसालेपछि गम्भीर घाइते भएकी उनलाई बेहोस अवस्थामा मोटरसाइकलमा राखेर मृतकको घर नजिकै सडक किनारमा फालेर पाँचै जना भागेको खुलेको प्रहरी निरीक्षक पन्तले बताए ।

त्यामा संलग्न भएका पाँचमध्ये पक्राउ परेका चार जनालाई अदालतबाट ५ दिनको म्याद थपेर अनुसन्धान भइरहेको छ । फरार रहेका राजकुमार रानाको खोजी भइरहेको प्रहरीले जनाएको छ ।

प्रकाशित मिति: मंगलबार, असोज १६, २०८० १८:०८