गैरसरकारी संस्था ‘परम्परागत शैली र छाडा घोडा जस्ता’

A+ A A-

मुलुकको विकास, जनताको आयस्तरमा वृद्धि र सामाजिक उत्थानमा महत्वपूर्ण योगदान पु¥याएको दाबी गर्दै आए पनि नेपालका गैरसरकारी संघसंस्था ९एनजीओ० परम्परागत शैलीमा नै सञ्चालन भइरहेको र मुलुकको विकासमा खासै योगदान पु¥याउन नसकेको सरकारकै अध्ययनले देखाएको आजको राजधानी दैनिकले मुख्य समाचार बनाएको छ ।
समाजकल्याण परिषद्को तथ्यांकअनुसार नेपालमा ४५ हजार ५ सय बढी गैरसरकारी संस्था छन् । गत आर्थिक वर्ष २०७४र७५ मा यहाँका गैरसरकारी संस्थाले २० अर्ब रुपैयाँभन्दा बढी रकम खर्चेका छन् । उनीहरूले बर्सेनि यति धेरै रकम खर्च गरे पनि जनतामा स्मरणीय छाप भने कुनै एनजीओले छोड्न नसकेको सरकारकै अधिकारीहरूको दाबी छ ।

समाजकल्याण परिषद्को पुनःसंरचना र गैरसरकारी संस्थाको सुधारबारे उपायको खोजी गर्न सरकारद्वारा गठित उच्चस्तरीय आयोगले समेत गैरसरकारी संस्था परम्परागत शैलीमा नै चलेको भन्दै उनीहरूको कार्यशैलीप्रति असन्तुष्टि जनाएको राजधानीको समाचारमा उल्लेख छ ।

‘अधिकांश एनजीओको कार्यशैली सन्तोषजनक हुन सकेको छैन, नियमन सशक्त नहुँदा छाडा घोडा जस्ता बनेका छन्,’ आयोगका एक सदस्यले राजधानीसँग भने । आयोगले नेपालका एनजीओलाई विकसित देशकै जस्तो बनाउन सकिने सुझावसमेत दिएका छन् । भारत, चीन, डेनमार्क, पोल्यान्ड, बेलायत, क्रोसिया, जर्मनीलगायत देशका एनजीओहरूले उत्कृष्ट रूपमा काम गरिरहेको भन्दै नेपालका एनजीओलाई पनि सोहीअनुसार सञ्चालन गर्न आयोगले सरकारलाई सुझाव दिएको हो । एनजीओलाई व्यवस्थित र नियन्त्रित बनाउन उनीहरुले सरकारलाई विभिन्न सुझाव पनि दिएको राजधानी दैनिकले उल्लेख गरेको छ ।

प्रकाशित मिति: बुधबार, फागुन ८, २०७५ १९:०८