किसानका पीडा : नगदे बाली वर्षौंको उधारो

A+ A A-

आजको राजधानीले उखु किसानले सधैं उधारोमा बाली बेच्नुपर्ने बाध्यतारहेको बारे प्रमुख समाचार प्रकाशित गरेको । आधुनिक प्रणालीबाट उखु खेतीमा क्रमशः वृद्धि गर्दै मुलुकलाई चिनीमा आत्मनिर्भर बनाउनुपर्नेमा चिनी उद्योगपतिको शोषण अनि सरकारको उदासीन र अनुदार व्यवहारले किसानहरू उखुखेतीबाटै विस्थापित हुने अवस्थामा पुगेको मैनालीको धारणा छ।

नगदे बालीका रूपमा उखुखेती गरेका किसान उधारो हुँदै वर्षौं भुक्तानी नपाउँदा चुर्लुम्म ऋणमा डुबेको उखु उत्पादक महासंघका अध्यक्ष कपिलमुनि मैनालीले बताए। ‘उद्योगपतिबाट समयमै भुक्तानी नपाएर छटपटिएका किसान सरकारी अनुदानसमेत सहज रूपमा नपाउँदा भोकभोकै मर्ने अवस्थामा पुगेका छन्’, उनले भने, ‘अब उखु खेती गर्न ऋण खोज्दा नपाउने अवस्था छ।’ उखु किसान वार या पारको आन्दोलनमा लागेको किसान नेता राजकुमार उप्रेतीले बताएको समाचारमा छ।
अरु दैनिक पत्रिकाजस्तै नागरिकले पनि पाठकमाथि छानविनका लागि बाटो खुला भएकोबारे समाचार प्रकाशित गरेको छ । महान्यायाधिवक्ता कार्यालयले घुस प्रकरणपछि राजीनामा दिएका अख्तियार दुरुपयोग अनुसन्धान आयोगका आयुक्त राजनारायण पाठकविरुद्ध मुद्दा दर्ता गरी कारबाही अघि बढाउन राय दिएको छ। अख्तियारले सोमबार महान्यायाधिवक्ता कार्यालयसमक्ष मुद्दा कसरी चलाउने भन्ने विषयमा राय माग गरेको थियो। महान्यायाधिवक्ता कार्यालयले संविधानमा सार्वजनिक पद धारण गरेको व्यक्तिले भ्रष्टाचार गरेको ठहरिएमा मुद्दा दर्ता गर्न सक्ने व्यवस्था भएकाले सोहीअनुसार अगाडि बढाउन सक्ने राय दिएको हो।

त्यस्तै, भाटभटेनीले टिचिङ अस्पतालमा अर्काे नयाँ भवन बनाइदिने बारे समाचार पहिलो पृष्ठमा प्रकाशित गरेको छ ।

सम्पदा संरक्षणबारे नागरिकले सम्पादकीय लेखेको छ भने पुरञ्जन आचार्यले लेखेको लुट सके लुट कान्छा को मर्म शीर्षकको लेख प्रकाशित भएको छ । नागरिकमा आङलामी शेर्पाको आदिवासी जनजाति, महिला हिंसा र मदिरा शीर्षकको लेख छापिएको छ भने चीनलाई कसरी भरपेट खुवाउने शीर्षकमा हु आङगनले लेखेको लेख पनि छापिएको छ ।

प्रकाशित मिति: मंगलबार, फागुन ७, २०७५ १८:१६