नेपालमा लगानी गरे दोहोरो फाइदा : प्रधानमन्त्री

A+ A A-

कान्तिपुर दैनिकले कान्तिपुर कन्क्लेभको उद्घटान कार्यक्रममा प्रधानमन्त्रीको अभिव्यक्तिलाई प्रमुख समाचार प्रकाशित गरेको छ । प्रधानमन्त्री केपी शर्मा ओलीले लगानीकर्ताका लागि नेपाल ठूलो सम्भावनायुक्त मुलुक भएको बताएका छन् । कान्तिपुर मिडिया ग्रुपले आयोजना गरेको कान्तिपुर कन्क्लेभमा बोल्दै प्रधानमन्त्री ओलीले नेपालमा लगानी गर्न लगानीकर्तालाई आह्वान गरे । ‘यहाँ सबै क्षेत्रमा हुने लगानी नाफामूलक छ,’उनले भने,‘व्यवसायका लागि सुनिश्चित अवसर र निश्चित नाफा आवश्यक पर्छ । नेपालले यो दुवै दिन्छ ।’

त्यस्तै ‘बलयगाडा चढेर सगरमाथा पुगिन्न’ शीर्षकमा कान्तिपुरले अर्काे समाचार पहिलो पृष्ठमा प्रकाशित गरेको छ । सरकार गठनको एक वर्ष पुगेको अवसरमा प्रमुख प्रतिपक्षी दल कांग्रेसको समिक्षाबारे समाचार प्रकाशित छ ।

मुग्लिनको नयाँ पुल वैशादेखि शीर्षकमा कान्तिपुरले दमौलीबाट पठाएको समाचार प्रकाशित गरेको छ ।

काठमाडौं महानगरपालिकाले डम्पिङ साइट हेर्न जाँदा डेढ लाखको खाजा खाना खाएकोबारे पनि समाचार प्रकाशित छ ।

काठमाडौं गोल्डेन्सले रुपन्देही च्यालेन्जर्सलाई १ सय रनले पराजित गरी रुस्लान धनगढी प्रिमियर लिग (डीपीएल) क्रिकेटमा ७ अंक बटुल्दै क्वालिफायर्समा पुगेको छ । टस जितेर ब्याटिङ गरेको काठमाडौंले निर्धारित २० ओभरमा ७ विकेट गुमाइ १३३ रन बनाएको थियो । जवाफमा आएको रुपन्देही १५.१ ओभरमा ३३ रनमै अल आउट भयो।