राष्ट्रिय सीमा सुरक्षामा सशस्त्र प्रहरी, भिआइपीको सुरक्षामा सेना

A+ A A-

नेपाल भन्दा निकै ठूलो भूगोल भएका क्यानडा,अर्जेन्टिनाजस्ता मुलुकमा सेनाको संख्या यहाँभन्दा निकै कम छ । सुरक्षा मामिलाविज्ञ प्राध्यापक ध्रुव कुमारका अनुसार नेपाली सेनासंग हेलिकप्टर उडाउन र भारतीय सहयोगमा आएको ट्रक चलाउन तेलसमेत छैन । नेपाली सेनापहिला देखि नै भारतसंग निर्भर छ ।

भारतबाटै ६० प्रतिशत अनुदानमा हतियार र गोलीगठ्ठा किन्नुपर्ने बाध्यतामा नेपाल रहेको नयाँ पत्रिकाको समाचारमा छ ।
जनसंख्याको अनुपातमा चीनमा भन्दा दोब्बर र भारतमा भन्दा तेब्बर सेना नेपालमा छ । पाँच बर्षमै रक्षा बजेट पनि दोब्बर भएको नयाँ पत्रिकाको समाचारमा छ । यस्तै शान्ति मिसनदेखि व्यापार र घरेलु कामदारसम्म ४१ हजार सैनिक खटिएका छन्, ५५ हजार निष्क्रिय रहेको नयाँ पत्रिकाले छापेको छ ।

त्यस्तैगरी,नयाँ पत्रिकाले एक बर्षमा समृद्धिको आधार खडा भएको भन्ने प्रधानमन्त्री केपी शर्मा ओलीको दावीलाई पहिलो पृष्ठमा प्राथमिकताका साथ प्रकाशित गरेको छ ।

कास्मिरमा आतंकवादी आक्रमणमा ४० जना भारतीय सुरक्षाकर्मीको मृत्यु भएको समाचार नयाँ पत्रिकाले प्रकाशित गरेको छ भने घुस प्रकरणमा मुछिएका अख्तियार आयुक्त पाठकलाई महाअभियोग लगाउने तयारी बारेको समाचार नयाँ पत्रिकाले पहिलो पृष्ठमा प्रकाशित गरेको छ ।
नयाँ पत्रिकाले ओली सरकारको एक बर्ष शीर्षकमा सम्पादकीय प्रकाशित गरेको छ । प्रधानमन्त्रीको एक वर्षे कार्यकाल भुलभुलैया र अलमलमा परेको यात्रुको जस्तो देखिएको छ , आशा गरौं, आगामी वर्ष प्रधानमन्त्रीको कार्यशैली फेरिनेछ र देशले आशातीत उन्नति हासिल गर्नेछ , सम्पादकीयमा भनिएको छ ।
लहडवादी सत्ताको एक बर्ष शीर्षकमा किशोर नेपालले लेख नयाँ पत्रिकामा प्रकाशित छ ।

प्रकाशित मिति: शुक्रबार, फागुन ३, २०७५ १८:१५