रामचन्द्र पौडेल र गोविन्दराज जोशीको सम्बन्ध : जेलभित्र मेल बाहिर सधैँ बेमेल

रामचन्द्र पौडेल र गोविन्दराज जोशीको सम्बन्ध : जेलभित्र मेल बाहिर सधैँ बेमेल

A+ A A-

ग्रेसमा रामचन्द्र पौडेल र गोविन्दराज जोशी स्थापित नेता हुन् । पद र उमेरका हिसाबले पौडेल सिनियर हुन् । उनी एकपटक कांग्रेस उपसभापति भए । सभामुख, उपप्रधानमन्त्री र धेरैपटक मन्त्री बनेर सधैँ सत्ताको वरिपरि रहे । तनहुँकै जोशी सहमहामन्त्री भए । दुवै नेताको प्रारम्भिक राजनीति पञ्चायती व्यवस्थाको सुरुआतसँगै कांग्रेसबाटै भयो । तर, एउटै पार्टीको एउटै गुटमा रहँदा पनि एकै जिल्लावासी पौडेल र जोशीबीच कहिल्यै पनि सौहार्दपू्र्ण सम्बन्ध रहेन । जिल्लामा बढी सक्रिय जोशी वकालती र शिक्षण पेसाबाट कार्यकर्तासँग जोडिए । तर, पौडेल केन्द्रमा नै सधैँ बलियो नेताका रूपमा रहन पुगे । बिपी, गिरिजा तथा सुशील हुँदै अहिलेसम्म कोइराला परिवारको विश्वासपात्रका रूपमा रहँदै आए पौडेल । आजको नयाँपत्रिका दैनिकमा समाचार छ ।

पछिल्लो महिना अख्तियार दुरुपयोग अनुसन्धान आयोगको सक्रियता बढेको छ । नवीनकुमार घिमिरे प्रमुख आयुक्तमा नियुक्त भएपछि भ्रष्टाचारको छानबिन र मुद्दा दायरमा आयोगको गति बढेको हो । पछिल्ला पाँच महिनामा ठूला अनियमितताको छानबिन भई मुद्दा दायर भएको छ । विकास निर्माणमा भएका भ्रष्टाचारका साथै अकुत सम्पत्ति आर्जनसम्बन्धी छानबिन र मुद्दा दायरले तीव्रता पाएको नयाँपत्रिकामा समाचार छापिएको छ ।

आगामी आइतबारदेखि देशैभर मौसम सफा हुने प्रक्षेपण गरिएको छ । गत मंगलबारदेखि पश्चमी न्यूनचापीय प्रणालीको प्रभाव देखिएपछि देशैभर वर्षासँगै हिमाली क्षेत्रमा हिमपात भइरहेको छ । शनिबार काठमाडौं उपत्यकासहित पूर्वी क्षेत्रमा हलुकादेखि मध्यम वर्षा हुन सक्ने जल तथा मौसम विज्ञान विभाग पूर्वानुमान महाशाखाका मौसमविद् वरुण पौडेलले जानकारी दिएको समाचार पनि आजको नयाँपत्रिका दैनिकले समाचार छापेको छ ।  

प्रकाशित मिति: शनिबार, माघ २६, २०७५ १०:३१