कृषिप्रधान देशमा तरकारीको व्यापार : ७०० करोडको आयात, ११ करोडको निर्यात

A+ A A-

आजको नयाँ पत्रिका दैनिकले कृषिप्रधान देशमा तरकारीका व्यापार कहालीलाग्दो रहेकोबारे प्रमुख समाचार प्रकाशित गरेको छ । समाचारमा ७ सय करोडको तरकारी आयात हुने गरेकोमा जम्मा ११ करोडको मात्र निर्यात हुने गरेको तथ्यांक देखाइएको छ ।

आलु भारत र बंगलादेशबाट आयात हुने गरेको छ । आलुबाट उत्पादित विभिन्न खाद्यवस्तु भने भारत र बंगलादेशबाहेक चीन, बेल्जियम, मलेसियालगायत विश्वका थुप्रै मुलुकबाट आयात हुन्छ । चालू आवको पाँच महिनामा भारतबाट ३ अर्ब २० करोड रुपैयाँको आलु आयात भएको छ । त्यस्तै, बंगलादेशबाट ५१ लाख रुपैयाँबराबरको आलु आयात भएको विभागको तथ्यांक छ ।

अघिल्लो वर्ष भारतबाट ३ अर्ब ३७ करोड र बंगलादेशबाट १७ करोडको आलु आयात भएको थियो । स्वदेशी आलु उत्पादन बिस्तारै बढ्दै गएको छ । व्यवसायीका अनुसार अहिले स्वदेशी उत्पादनले ६ महिनाको माग धान्ने गरेको छ । सरकारी तथ्यांकअनुसार नेपालमा वार्षिक ३० लाख ८८ हजार टन आलु उत्पादन हुने गरेको समाचारमा उल्लेख छ । तर, बाह्रै महिना आयात हुने तरकारी तथा फलफूल व्यवसायी महासंघका अध्यक्ष खोमप्रसाद घिमिरेले बताए ।

त्यस्तैगरी, १७ दिनपछि बसेको नेकपा एकीकरण कार्यदलमा विवाद, अपूरो प्रतिवेदनमा हस्ताक्षर नगर्ने बहुमत सदस्यको अडान शीर्षकमा पहिलो पृष्ठमा समाचार प्रकाशित गरेको छ भने विभिन्न माग राखेर गर्दागर्दैको काम छाडेको इटालियन ठेकेदार कम्पनी सिएमसीसँग मेलम्ची खानेपानी आयोजनाले ठेक्का सम्झौता तोडेको समाचारलाई पनि नयाँ पत्रिकाले प्रमुखताका साथप्रकाशित गरेको छ । बिहीबार बसेको आयोजना बोर्ड बैठकले सिएमसीसँग सम्झौता तोडेर नयाँ विकल्पमा बाँकी काम गर्ने निर्णय गरेको समाचारमा उल्लेख छ ।

प्रकाशित मिति: शुक्रबार, माघ २५, २०७५ ०८:००