अनुमति नै नपाएको कलेजमा पढ्न १२ विद्यार्थीलाई भर्ना र भिसा

A+ A A-

आजको नयाँ पत्रिका दैनिकले अष्टे«लियामा नेपाली विद्यार्थीको बिचल्लीबारे प्रमुख समाचार प्रकाशित गरेको छ । नेपाली दूतावासका अनुसार विभिन्न तह र विषय अध्ययन गर्ने ३५ हजार नेपाली अष्ट्रेलियामा छन् । बन्द गरिएको कलेज एआइबिटीमा नेपाली मात्र १२ सय विद्यार्थी अध्ययरनत रहेको समाचारमा जनाइएको छ । यसबर्षमात्र उक्त कलेजमा पढ्नका लागि शिक्षामन्त्रालयबाट ४ हजार विद्यार्थी नो अब्जेक्सन लेटर लिएका छन् ।

त्यस्तै नयाँ पत्रिकाले नेताहरुको माला मोहका बारेमा समाचार लेखेको छ । १२१ किलोको माला लगाएर कोइरालाहरुले भने, हामी एक छौं । १५१ किलोको माला लगाएर देउवाले भने, कांग्रेस कोइरालाको छोरा नातिको होइन ।
प्रधानमन्त्रीले ५१ किलोको माला लगाएर भने, यो इतिहासकै उत्कृष्ट सरकार ।

विद्युतका आयोजनामा पनि वनको अवरोध शीर्षकमा समाचार प्रकाशित गरेको छ । त्यस्तै प्रत्येक निर्वाचन क्षेत्रमा सांसदले चार करोड खर्च गर्न पाउने गरी सरकारले ल्याएको स्थानीय पूर्वाधार विकास साझेदारी कार्यक्रममा विभेद गरिएको भन्दै समानुपातिक सांसदले विरोध गरेको समाचार आजको नयाँ पत्रिकाले प्रकाशित गरेको छ । प्रत्यक्षतर्फका सांसदलाई एकलौटी रकम खर्च गर्न सक्ने अधिकार दिएर आफूहरूलाई भूमिकाविहीन बनाएको भन्दै समानुपातिक सांसदले बुधबार संसद्मै नियमावली च्यातेर विरोध जनाए ।

नियमावलीअनुसार राष्ट्रिय सभामा प्रत्यक्ष निर्वाचित सांसदको नेतृत्वमा गठन हुने कार्यक्रम परामर्श समितिमा समानुपातिक, प्रदेश सभा र राष्ट्रिय सभाका सांसद तथा जिल्ला समन्वय समितिका प्रमुख र उपप्रमुख, नगरपालिका र गाउँपालिकाका प्रमुख सदस्य रहने व्यवस्था छ ।

नयाँ पत्रिकाले घुस प्रकरणमा मुझिएपछि राजिनामा दिएका राजनारायण पाठकलाई उन्मुक्ति दिन नहुने बारे सम्पादकीय लेखेको छ । उन्मुक्तिको व्यवस्था छैन शीर्षकमा नयाँ पत्रिकाले सम्पादकीय लेखेको छ भने न गैँडाको छाला न अरिँगाल शीर्षकमा झलक सुवेदीको लेख प्रकाशित छ ।